ಭಾಷೆ:

ನಿಮ್ಮ ಆರೋಗ್ಯವೇ ನಮ್ಮ ಸ್ಫೂರ್ತಿ

ಮುಖಪುಟಮುಖಪುಟಕ್ಕೆ ಹಿಂದಿರುಗಿ

ಸ್ವೀಟ್‍ ಕ್ಲಿನಿಕ್ ಬಗ್ಗೆ ನಿಮ್ಮ ಎಂಡೋಕ್ರೈನಾಲಜಿಸ್ಟ್

ಸ್ವೀಟ್ ಕ್ಲಿನಿಕ್ ಸ್ಥಾಪಕರಾದ ಡಾ. ಗುರುರಾಜ ರಾವ್ ಅವರು ಪ್ರಸ್ತುತ ಮಂಗಳೂರಿನ ಯೆನೆಪೋಯ ಸ್ಪೆಶಾಲಿಟಿ ಆಸ್ಪತ್ರೆಯ ಎಂಡೋಕ್ರೈನಾಲಜಿ ವಿಭಾಗದ ಮುಖ್ಯ ವೈದ್ಯರಾಗಿದ್ದಾರೆ, ಮತ್ತು ಯೆನೆಪೋಯ ವಿಶ್ವವಿದ್ಯಾಲಯದಲ್ಲಿ ಬೋಧನಾ ವಿಭಾಗದಲ್ಲೂ ಸಹ ಸಕ್ರಿಯ ಪಾತ್ರ ವಹಿಸುವರು.

ಪ್ರ್ಯಾಕ್ಟೀಸ್:

ಯೆನೆಪೋಯ ಸ್ಪೆಶಾಲಿಟಿ ಆಸ್ಪತ್ರೆ, ಕೊಡಿಯಾಲ್ಬೈಲ್, ಮಂಗಳೂರು.

ಸ್ವೀಟ್ ಕ್ಲಿನಿಕ್, ಆರೋಗ್ಯ ಪಾಲಿಕ್ಲಿನಿಕ್,ಫಳ್ನೀರ್ ರಸ್ತೆ,ಯುನಿಟಿ ಆಸ್ಪತ್ರೆ ಹತ್ತಿರ, ಮಂಗಳೂರು.

ಡಾ. ಗುರುರಾಜ ರಾವ್

MBBS, MD (Medicine),
DM (Endocrinology).

ಮಾಹಿತಿವೈದ್ಯಕೀಯ ಮಾಹಿತಿ
- ಮಧುಮೇಹಮಧುಮೇಹಕ್ಕೆ ಸಂಭಂದಿಸಿದ ಲೇಖನಗಳು
  - ಮಧುಮೇಹದ ಬಗ್ಗೆ ಕಿರು ಮಾಹಿತಿಅರಿವೇ ಗುರು
  - ಮಧುಮೇಹ ಮತ್ತು ಹಣ್ಣುಗಳುಮಧುಮೇಹಿಗಳು ಹಣ್ಣು ತಿನ್ನಬಹುದೇ?
  - ಕಣ್ಣುಗಳ ಕಾಳಜಿಅಂಧತ್ವವನ್ನು ತಡೆಯಿರಿ
    - ಮಧುಮೇಹ ಮತ್ತು ನಿಮ್ಮ ಕಣ್ಣುಗಳು - ತಪ್ಪು ತಿಳುವಳಿಕೆಗಳು ಮತ್ತು ಮಿಥ್ಯಗಳುಅಂಧತ್ವವನ್ನು ತಡೆಯಿರಿ
  - ಕಾಲುಗಳ ಆರೈಕೆಕಾಲುಗಳನ್ನು ಉಳಿಸಿ
    - ನಿಮ್ಮ ಕಾಲುಗಳ ಕಾಳಜಿ... ಪ್ರತಿನಿತ್ಯವೂ!!ಕಾಲುಗಳನ್ನು ಉಳಿಸಿ
  - ಇನ್ಸುಲಿನ್ ಬಗ್ಗೆ ಮಾಹಿತಿಇನ್ಸುಲಿನ್ ಉಪಯೋಗಿಸುವುದು ಈಗ ತುಂಬಾ ಸುಲಭ!
    - ಇನ್ಸುಲಿನ್ ತೆಗೆದುಕೊಳ್ಳುವದು (ಸಿರಿಂಜ್) ಸರಿಯಾದ ವಿಧಾನವನ್ನು ಕಲಿಯಿರಿ
    - ಇನ್ಸುಲಿನ್ ಪೆನ್ ಬಳಸುವದುಇದನ್ನು ಬಳಸುವುವದು ತುಂಬಾ ಸುಲಭ!
    - ಇನ್ಸುಲಿನ್ ಸೂಜಿಗಳ ಹೋಲಿಕೆಯಾವುದನ್ನು ಆಯ್ಕೆ ಮಾಡುವದು?
  - ಇನ್ಸುಲಿನ್ ಪಂಪ್ಸರಿಯಾದ ನಿಯಂತ್ರಣ !
  - ಮಧುಮೇಹದ ಬಗ್ಗೆ ಎಫ್ಎಕ್ಯೂಸಾಮಾನ್ಯವಾಗಿ ಕೇಳುವ ಪ್ರಶ್ನೆಗಳು
  - ಮಧುಮೇಹ ತಪ್ಪು ತಿಳುವಳಿಕೆಗಳು ಮತ್ತು ಮಿಥ್ಯಗಳು
  - ಮಧುಮೇಹ ಲೇಖನ ಸಂಗ್ರಹಅರಿವೇ ಗುರು
- ಥೈರಾಯ್ಡ್ನನಗೆ ಥೈರಾಯ್ಡ್ ಸಮಸ್ಯೆ ಇರಬಹುದೇ?
  - ಥೈರಾಯ್ಡ್ ಪ್ರಾಥಮಿಕ ಮಾಹಿತಿಅರಿವೇ ಗುರು
  - ಹೈಪೋಥೈರಾಯ್ಡಿಸಮ್ಥೈರಾಯ್ಡ್ ಹಾರ್ಮೋನಿನ ಕೊರತೆ
  - ಹೈಪರ್ಥೈರಾಯ್ಡಿಸಮ್ಅತಿಯಾದ ಥೈರಾಯ್ಡ್ ಹಾರ್ಮೋನ್
    - ಹೈಪರ್ಥೈರಾಯ್ಡಿಸಮ್ ಪ್ರಾಥಮಿಕ ಮಾಹಿತಿಅರಿವೇ ಗುರು
    - ಥೈರಾಯ್ಡ್-ಕಣ್ಣಿನ-ಕಾಯಿಲೆಥೈರಾಯ್ಡ್ ಕಾಯಿಲೆಗೆ ಸಂಬಂಧಿಸಿದ ಕಣ್ಣಿನ ಸಮಸ್ಯೆಗಳು
    - ರೇಡಿಯೋ-ಅಯೊಡೀನ್ಹೈಪರ್ಥೈರಾಯ್ಡಿಸಮ್-ಗೆ ಒಂದು ಒಂದು ಶಾಶ್ವತ ಪರಿಹಾರ?
  - ಥೈರಾಯ್ಡ್ ಬಗ್ಗೆ ಎಫ್.ಎ.ಕ್ಯು (FAQ)ಸಾಮಾನ್ಯವಾಗಿ ಕೇಳುವ ಪ್ರಶ್ನೆಗಳು
  - ಥೈರಾಯ್ಡ್ ಬಗ್ಗೆ ತಪ್ಪು ತಿಳುವಳಿಕೆಗಳು ಮತ್ತು ಮಿಥ್ಯಗಳು
  - ಥೈರಾಯ್‍ಡೈಟಿಸ್ ಥೈರಾಯ್ಡ್ ಗೃಂಥಿಯ ಉರಿಯೂತ
- ಸ್ಥೂಲಕಾಯಅತಿಯಾದ ದೇಹದ ತೂಕ
  - ಸ್ಥೂಲಕಾಯ-ಪ್ರಾಥಮಿಕ ಮಾಹಿತಿಬೊಜ್ಜಿನ ಬಗ್ಗೆ ತಿಳಿಯಿರಿ
  - ಬೊಜ್ಜು ಕರಗಿಸಲು ಪಥ್ಯಆರೋಗ್ಯಕರವಾದ ಆಹಾರದಿಂದ ದೀರ್ಘಾಯುಷ್ಯ
  - ಸ್ಥೂಲಕಾಯದ ಬಗ್ಗೆ ಎಫ್.ಎ.ಕ್ಯೂ (FAQ)ಸಾಮಾನ್ಯವಾಗಿ ಕೇಳುವ ಪ್ರಶ್ನೆಗಳು
- ಮಕ್ಕಳ ಬೆಳವಣಿಗೆಯ ಸಮಸ್ಯೆಗಳುನನ್ನ ಮಗುವಿನ ಎತ್ತರ ಸರಿಯಾಗಿದೆಯೇ?
  - ಬೆಳವಣಿಗೆ ಬಗ್ಗೆ ಕಿರು ಮಾಹಿತಿನಿಮ್ಮ ಮಗುವಿನ ಬೆಳವಣಿಗೆ ಸರಿಯಾಗಿದೆಯೇ?
  - ಮಕ್ಕಳ ಬೆಳವಣಿಗೆ ತಿಳಿಯಲು ಪರೀಕ್ಷೆಗಳುಕುಬ್ಜತೆಗೆ ಕಾರಣವೇನು?
  - ಮಕ್ಕಳ ಬೆಳವಣಿಗೆ ಹೆಚ್ಚಿಸಲು ಚಿಕಿತ್ಸೆಗ್ರೋತ್ ಹಾರ್ಮೋನ್, ಇತರ ಚಿಕಿತ್ಸೆಗಳು
- ಮೂಳೆಗಳ ಆರೋಗ್ಯಹಾರ್ಮೋನ್‍ಗಳು ಮತ್ತು ನಿಮ್ಮ ಮೂಳೆಗಳು
  - ವಿಟಮಿನ್-ಡಿಇದೊಂದು ಸೌರ ಪ್ರಕಾಶದ ವಿಟಮಿನ್
  - $osteoporosis-a-silent-disease-causing-fractures-kan$ ಅಸ್ಥಿರಂಧ್ರತೆ (ಆಸ್ಟಿಯೊಪೊರೋಸಿಸ್ )ನಿಮಗರಿವಿಲ್ಲದಂತೆಯೇ ಮೂಳೆ ಮುರಿತ ಉಂಟುಮಾಡುವ ರೋಗ?
    - ಅಸ್ಥಿರಂಧ್ರತೆ (ಆಸ್ಟಿಯೊಪೊರೋಸಿಸ್)-ಪ್ರಾಥಮಿಕ ಮಾಹಿತಿ
ವಿಚಾರಿಸಿಹೆಚ್ಚಿನ ಮಾಹಿತಿಗಾಗಿ
ಸಂಪರ್ಕಿಸಿನಮ್ಮನ್ನು ಸಂಪರ್ಕಿಸಿ

ನೀವು ಇಲ್ಲಿದ್ದೀರಿ: ಥೈರಾಯ್ಡ್ || ನನಗೆ ಥೈರಾಯ್ಡ್ ಸಮಸ್ಯೆ ಇರಬಹುದೇ? > ಹೈಪರ್‌ಥೈರಾಯ್ಡಿಸಮ್ || ಅತಿಯಾದ ಥೈರಾಯ್ಡ್ ಹಾರ್ಮೋನ್ > ಹೈಪರ್‌ಥೈರಾಯ್ಡಿಸಮ್ ಬಗ್ಗೆ ಕಿರು ಮಾಹಿತಿ // > Kannada // > Pt-Edu-Pub-Kan

ಲಾಗಿನ್ ನೋಂದಾಯಿಸಿ

ಇನ್ಸುಲಿನ್ ಪಂಪ್

ವಿವರಗಳು: ಕ್ಯಾಟಗರಿ: Pt-Edu-Pub-Kan; ಮಂಗಳವಾರ, 08 ಜೂಲೈ 2014 00:18 ರಂದು ಪ್ರಕಟಿಸಲಾಗಿದೆ; Dr. Gururaja Rao ರಿಂದ ಬರೆಯಲ್ಪಟ್ಟಿದೆ

ಇನ್ಸುಲಿನ್ ಪಂಪ್

ನಿಮ್ಮ ಸಕ್ಕರೆ ಕಾಯಿಲೆಯ ಚಿಕಿತ್ಸೆಯಲ್ಲಿ ಒಂದು ಹೊಸ ಆಯಾಮ

ನಿಮ್ಮ ಮಧುಮೇಹದ ಚಿಕಿತ್ಸೆಗೆ ಇನ್ಸುಲಿನ್ ತೆಗೆದುಕೊಳ್ಳಬೇಕಾದಲ್ಲಿ, ಇನ್ಸುಲಿನ್ ಪಂಪ್ ನಿಮ್ಮ ದೇಹಕ್ಕೆ ಬೇಕಾದಷ್ಟೇ ಪ್ರಮಾಣದ ಇನ್ಸುಲಿನ್ ಅನ್ನು ಕರಾರುವಕ್ಕಾಗಿ ಸರಿಯಾದ ಸಮಯ ಮತ್ತು ಪ್ರಮಾಣದಲ್ಲಿ ಪೂರೈಸುತ್ತದೆ.

ನಿಮ್ಮ ಮಧುಮೇಹದ ನಿಯಂತ್ರಣವನ್ನು ಉತ್ತಮಗೊಳಿಸುವುದು ಹಾಗೂ ನಿಮ್ಮ ಜೀವನ ಶೈಲಿ ಹಾಗೂ ಆಹಾರದ ವಿಹಾರದಲ್ಲಿ ಸ್ವಾತಂತ್ರ್ಯದಲ್ಲಿ ನಿಮಗೆ ಹೊಸ ಆಯಾಮ ನೀಡುವುದು ಇನ್ಸುಲಿನ್ ಪಂಪಿನ ಉದ್ದೇಶ. ಇದು ನಿಮ್ಮ ಜೀವನ ಶೈಲಿಯನ್ನು ಮಧುಮೇಹದ ಸಂಕೋಲೆಯಿಂದ ಬಿಡುಗಡೆಗೊಳಿಸಬಹುದು.

ಇನ್ಸುಲಿನ್ ಪಂಪ್

ಪೇಜರ್ ಅಥವಾ ಮೊಬೈಲ್ ದೂರವಾಣಿ ಧರಿಸುವಂತೆಯೇ ಧರಿಸಬಹುದು.
ಪಂಪ್ ಅನ್ನು ಪ್ಲಾಸ್ಟಿಕ್ ನಳಿಕೆಯ ಮೂಲಕ ಕ್ಯಾನುಲಾದಿಂದ ಇನ್ಸುಲಿನ್ ದೇಹವನ್ನು ಸೇರುತ್ತದೆ.
ಇದು ಪ್ರೋಗ್ರಾಮ್ ಮಾಡಲಾದ ಮಟ್ಟದಲ್ಲಿ 24x7x365 ಇನ್ಸುಲಿನ್ ಅನ್ನು ಪಂಪ್ ಮಾಡುತ್ತದೆ.

ಪ್ರೋಗ್ರಾಮ್ ಮಾಡಿದಷ್ಟೇ ಪ್ರಮಾಣದಲ್ಲಿ ಇನ್ಸುಲಿನ್ ನೀಡುತ್ತದೆ.
ಟ್ಯೂಬ್ ಬ್ಲಾಕ್ ಆದಲ್ಲಿ ಎಚ್ಚರಿಕೆ ಘಂಟೆ ಬಾರಿಸುತ್ತದೆ.

ಬೇಸಲ್ ಗತಿ: ನಿಮ್ಮ ದೇಹಕ್ಕೆ 24 ಘಂಟೆಯೂ (ಆಹಾರ ಹೊರತುಪಡಿಸಿ) ಬೇಕಾಗುವ ಸಣ್ಣ ಪ್ರಮಾಣದ ಇನ್ಸುಲಿನ್.
ಬೋಲಸ್ ಡೋಸ್: ಊಟವನ್ನು ಸರಿದೂಗಿಸಲು ಬೇಕಾದ ಇನ್ಸುಲಿನ್.

CGMS ನಿಮ್ಮ ಚರ್ಮದ ಅಡಿ ಭಾಗದ ಸಕ್ಕರೆಯನ್ನು ಸತತವಾಗಿ ಅಳೆಯುತ್ತದೆ.
ಈ ಮಾಹಿತಿಯನ್ನು ರೇಡಿಯೋ ಅಲೆಗಳ ಮೂಲಕ ಪಂಪ್-ಗೆ ತಲುಪಿಸುತ್ತದೆ.
ಪಂಪ್ ಈ ಮಾಹಿತಿಯನ್ನು ಸಂಗ್ರಹಿಸುತ್ತದೆ ಹಾಗೂ ಪರದೆಯ ಮೇಲೆ ತೋರಿಸುತ್ತಾ ಇರುತ್ತದೆ.
ಸಕ್ಕರೆಯ ಮಟ್ಟ ತೀರಾ ಕಾಡಿಮೆ ಆದರೆ ಎಚ್ಚರಿಕೆ ನೀಡಬಹುದು ಹಾಗೂ ಇನ್ಸುಲಿನ್ ನೀಡುವಿಕೆ ತಾತ್ಕಾಲಿಕವಾಗಿ ನಿಲ್ಲಿಸಬಹುದು.

ಯಾರು ಇನ್ಸುಲಿನ್ ಪಂಪ್ ಬಳಸಬಹುದು?

ಇನ್ಸುಲಿನ್ ಪಂಪ್ ಟೈಪ್-1 ಅಥವಾ ಜುವೆನೈಲ್ ಡಯಬೇಟಿಸ್ ರೋಗಿಗಳಿಗೆ ಉಪಯುಕ್ತ. ಅದೇ ರೀತಿಯಾಗಿ ಅತಿ ಸಾಮಾನ್ಯವಾದ ಕೆಲ ಟೈಪ್-2 ಮಧುಮೇಹ ಇರುವ ರೋಗಿಗಳಿಗೂ ಉಪಯುಕ್ತ. ಅಮೇರಿಕಾ ರಾಷ್ಟ್ರದಲ್ಲಿ ಟೈಪ್-1 ಮಧುಮೇಹ ಇರುವ ಮಕ್ಕಳು ಇದನ್ನು ಸಾಮಾನ್ಯವಾಗಿ (20-30%) ಬಳಸುತ್ತಾರೆ, ಆದರೆ ನಮ್ಮ ದೇಶದಲ್ಲಿ ಇದರ ಬಳಕೆ ಇದುವರೆಗೂ ಕಡಿಮೆ ಆಗಿದೆ.

ಇನ್ಸುಲಿನ್ ಪಂಪ್ ಬಳಸಲು ಸೂಕ್ತವಾದ ರೋಗಿಯ ಲಕ್ಷಣಗಳೇನು?

ನಿಮ್ಮ ಮಧುಮೇಹದ ನಿಯಂತ್ರಣಕ್ಕೆ ಇನ್ಸುಲಿನ್ ಅವಶ್ಯಕವಾಗಿದಲ್ಲಿ ಹಾಗೂ:

ನಿಮಗೆ ಅತ್ಯುತ್ತಮ ಮಟ್ಟದ ನಿಯಂತ್ರಣ ಬಯಸಿದಲ್ಲಿ
ಪದೇ ಪದೇ ಹೈಪೋಗ್ಲೈಸೆಮಿಯಾ (ಕಡಿಮೆ ರಕ್ತದ ಸಕ್ಕರೆ) ಅಥವಾ ತೀವ್ರತರವಾದ ಹೈಪೋಗ್ಲೈಸೆಮಿಯಾ ತಪ್ಪಿಸಲು
ಜೀವನ ಶೈಲಿ ಮತ್ತು ತಿನ್ನುವ ಆಯ್ಕೆಯಲ್ಲಿ ಹೆಚ್ಚಿನ ಸಾಧ್ಯತೆಗಳು
ಮಲಗುವ ಸಮಯದಲ್ಲಿ ಬದಲಾವಣೆ ಬಯಸಿದಲ್ಲಿ (ಉದಾ: ತಡವಾಗಿ ಮಲಗಲು ಬಯಸಿದಲ್ಲಿ)
ರಕ್ತದ ಸಕ್ಕರೆ ಮಟ್ಟದ ವಿಪರೀತ ಏರಿಳಿಕೆಯ ಬಾಧೆ ಇಲ್ಲದೇ ಕ್ರೀಡೆ ಅಥವಾ ವ್ಯಾಯಾಮದಲ್ಲಿ ಬಾಗವಹಿಸಲು ಇಚ್ಛಿಸಿದಲ್ಲಿ.

ಮೇಲಿನವುಗಳು ಸ್ಥೂಲವಾದ ಮಾಹಿತಿ ಮಾತ್ರ. ಇನ್ಸುಲಿನ್ ಪಂಪ್ ಉಪಯೋಗದಲ್ಲಿ ಪರಿಣತಿ ಉಳ್ಳ ನಿಮ್ಮ ವೈದ್ಯರನ್ನು ಅಥವಾ ಎಂಡೋಕ್ರೈನಾಲಜಿಸ್ಟ ಅವರನ್ನು ಭೇಟಿ ಮಾಡಿ ನಿಮಗೆ ಇನ್ಸುಲಿನ್ ಪಂಪ್ ಯಾವ ರೀತಿಯ ಅನುಕೂಲ ಒದಗಿಸಬಹುದು ಎಂಬುದರ ಬಗ್ಗೆ ಸವಿವಾರವಾದ ಮಾಹಿತಿ ಪಡೆಯಬಹುದು.

ಇನ್ಸುಲಿನ್ ಪಂಪ್ ಬಳಸಲು ಯಾರು ಸೂಕ್ತವಾದವರಲ್ಲ?

ನಿಮಗೆ ಇನ್ಸುಲಿನ್ ಪಂಪ್ ಚಿಕಿತ್ಸೆಯ ಬಗ್ಗೆ ವಾಸ್ತವಕ್ಕೆ ದೂರವಾದ ಕಲ್ಪನೆ/ಅಪೇಕ್ಷೆಗಳಿದ್ದಲ್ಲಿ – ಉದಾ:

ಇದು “ಜೋಡಿಸಿ, ತುಂಬಿಸಿ, ಹಾಗೂ ಮರೆತುಬಿಡಿ” ಮಾದರಿಯಲ್ಲಿ ಕೆಲಸ ಮಾಡಬೇಕು (ನೀವು ಮಧುಮೇಹದ ಬಗ್ಗೆ ವಿಚಾರ ಮಾಡುವುದನ್ನು ಮರೆತೇ ಬಿಡಬೇಕು ಎಂದು)
“ನಾನು ಇನ್ನೂ ಎಂದಿಗೂ ಇನ್ಸುಲಿನ್ ಚುಚ್ಚುಮದ್ದು ತೆಗೆದುಕೊಳ್ಳಲಾರೆ!
‘’ನನ್ನ ರಕ್ತದ ಸಕ್ಕರೆಯ ಮಟ್ಟ ಹೇಗಿದ್ದರೇನು!.. (ರಕ್ತದಲ್ಲಿನ ಸಕ್ಕರೆ ಪರಿಶೀಲಿಸಿಲು ಸಿದ್ಧ ಇಲ್ಲ)
‘’ನಾನು ಹೋದಲ್ಲೆಲ್ಲಾ ಮಧುಮೇಹದ ಕಿಟ್ ತೆಗುದುಕೊಂಡು ಹೋಗಲು ಇಷ್ಟವಿಲ್ಲ.
ಖಿನ್ನತೆ, ಮನೋವಿಕಾರ ಅಥವಾ ಇತರ ಗುರುತರವಾದ ಮಾನಸಿಕ ರೋಗಗಳು.
ಆರ್ಥಿಕ ಮುಗ್ಗಟ್ಟು.

ಮೊದಲಿನಂತೆಯೇ ಈ ಹೇಳಿಕೆಗಳು ಕೂಡಾ ಸಾರ್ವಲೌಕಿಕ ಹಾಗೂ ನಿಮಗೆ ಅನ್ವಯ ಆಗದೇ ಇರಬಹುದು. ಆದುದರಿಂದ ಇನ್ಸುಲಿನ್ ಪಂಪ್ ಉಪಯೋಗದಲ್ಲಿ ಪರಿಣತಿ ಉಳ್ಳ ನಿಮ್ಮ ವೈದ್ಯರನ್ನು ಅಥವಾ ಎಂಡೋಕ್ರೈನಾಲಜಿಸ್ಟ ಅವರನ್ನು ವೈಯುಕ್ತಿಕವಾಗಿ ಭೇಟಿ ಮಾಡಿ ತಿಳಿದುಕೊಳ್ಳುವುದು ಹೆಚ್ಚು ಸೂಕ್ತ.

ಇನ್ಸುಲಿನ್ ಪಂಪ್ ಹೇಗೆ ಕಾರ್ಯ ನಿರ್ವಹಿಸುತ್ತದೆ ಎಂಬುದರ ಬಗ್ಗೆ ಒಂದು ಚಿಕ್ಕ ವಿವರ ನೀಡಬಹುದೇ?

ಇನ್ಸುಲಿನ್ ಪಂಪ್ ಅನ್ನು ಹೆಚ್ಚಾಗಿ ಸೊಂಟದ ಬೆಲ್ಟ್ ಮೇಲೆ ಪೇಜರ್ ಅಥವಾ ಮೊಬೈಲ್ ದೂರವಾಣಿ ಧರಿಸುವಂತೆಯೇ ಧರಿಸಬಹುದು. ಪಂಪ್ ಅನ್ನು ಗಡುಸಾದ ಪ್ಲಾಸ್ಟಿಕ್ ಉಪಯೋಗಿಸಿ ತಯಾರಿಸಲಾಗಿರುತ್ತದೆ. ಅದು ಒಳಗೆ ಒಂದು ಚಿಕ್ಕ ಮೈಕ್ರೋ ಕಂಪ್ಯೂಟರ್ ಹೊಂದಿರುತ್ತದೆ. ಈ ಗಣಕ ಯಂತ್ರ ನಿಮ್ಮ ಶರೀರಕ್ಕೆ ಬೇಕಾದಷ್ಟೇ (ಪ್ರೋಗ್ರಾಮ್ ಮಾಡಲಾದ) ಇನ್ಸುಲಿನ್ ಅನ್ನು ಪ್ಲಾಸ್ಟಿಕ್ ನಳಿಕೆಯ ಮೂಲಕ ತಳ್ಳುತ್ತದೆ. ಹೀಗೆ ಇನ್ಸುಲಿನ್ ನಿಮ್ಮ ಚರ್ಮದ ಕೆಳಗಿರುವ ಕೊಬ್ಬಿನ ಮೂಲಕ ರಕ್ತವನ್ನು ಸರಿಯಾದ ಸಮಯ ಮತ್ತು ಪ್ರಮಾಣದಲ್ಲಿ ಸೇರುತ್ತದೆ ಹಾಗೂ ನಿಮ್ಮ ಸಕ್ಕರೆಯನ್ನು ನಿಯಂತ್ರಿಸುತ್ತದೆ.

ಪ್ರತಿ ನಿತ್ಯ ಹಲವು ಇನ್ಸುಲಿನ್ ಚುಚ್ಚುಮದ್ದು ತೆಗೆದುಕೊಳ್ಳುವುದಕ್ಕಿಂತ ಇನ್ಸುಲಿನ್ ಪಂಪ್ ಹೇಗೆ ಭಿನ್ನ?

ಎರಡರ ಮಧ್ಯೆ ತುಂಬಾ ವ್ಯತ್ಯಾಸವಿದೆ. ಇನ್ಸುಲಿನ್ ಪಂಪ್-ನಲ್ಲಿ ನೀವು ಹಗಲು / ರಾತ್ರಿ , ನಿಮ್ಮ ದೈಹಿಕ ಚಟುವಟಿಕೆಯ ಮಟ್ಟ, ಋತುಚಕ್ರ ಇತ್ಯಾದಿಗಳಿಗೆ ಅನುಗುಣವಾಗಿ ಬೇರೆ ಬೇರೆ ಆದ ಬೇಸಲ್ ಇನ್ಸುಲಿನ್ ಗತಿಯನ್ನು ನಿರ್ಧರಿಸಬಹುದು. ಅದೇ ರೀತಿಯಾಗಿ ಆಹಾರ / ಊಟದಲ್ಲಿರುವ ಸಕ್ಕರೆಯ ಪ್ರಮಾಣಕ್ಕೆ ಅನುಸಾರವಾಗಿ ಬೋಲಸ್ ಇನ್ಸುಲಿನ್ ಮಟ್ಟವನ್ನು ಹೊಂದಿಸಬಹುದು. ಈ ರೀತಿಯಾಗಿ ಕರಾರುವಾಕ್ಕಾದ ಸಕ್ಕರೆಯ ನಿಯಂತ್ರಣ ಸಾಧ್ಯ.

ಇನ್ಸುಲಿನ್ ಪಂಪ್-ನಲ್ಲಿ ಬಳಸುವ ತ್ವರಿತಗತಿಯಲ್ಲಿ ಕೆಲಸಮಾಡುವ ಇನ್ಸುಲಿನ್ ಚರ್ಮದ ಕೆಳಗಿರುವ ಕೊಬ್ಬಿನ ಪದರದಿಂದ ರಕ್ತಕ್ಕೆ ಹೆಚ್ಚು ವಿಶ್ವಸನೀಯವಾಗಿ ಸೇರುವುದರಿಂದ ಅನಿರೀಕ್ಷಿತವಾದ ರಕ್ತದ ಸಕ್ಕರೆಯ ಮಟ್ಟದ ಏರಿಳಿತಗಳನ್ನು ಹತೋಟಿಯಲ್ಲಿ ಇಡಬಹುದು.

ಯಾವ ರೀತಿಯ ಪಂಪ್ –ಗಳು ಲಭ್ಯ?

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹಲವು ಪಂಪ್ ಕಂಪೆನಿಗಳಿವೆ. ನಿಮಗೆ ಪಂಪ್ ಖರೀದಿಸುವಾಗ ನಿಮಗೆ ಬೇಕಾದ ಸವಲತ್ತುಗಳು ಇರುವ ಹಾಗೂ ಸೂಕ್ತ ಮಾರಾಟದ ನಂತರದ ಸೇವೆ ಉಳ್ಳ ಪಂಪ್ ಖರೀದಿಸುವುದು ಉತ್ತಮ (ಉದಾ: CGMS, ಕಡಿಮೆ ಸಕ್ಕರೆಯ ಸೂಚನೆ). ಈ ಬಗ್ಗೆ ನಿಮ್ಮ ವೈದ್ಯರು ನಿಮಗೆ ಸೂಕ್ತವಾದ ಮಾರ್ಗದರ್ಶನ ನೀಡಬಲ್ಲರು.

ನನಗೆ ಪಂಪ್ ಸೂಕ್ತವೇ ಎಂದು ಪ್ರಯತ್ನಿಸಿ /ಬಳಸಿ ನೋಡಬಹುದುದೇ?

ಹೌದು, ಕಂಪೆನಿಗಳು “ಖರೀದಿಸುವ ಮೊದಲು ಅರಿಯಿರಿ” ಇತ್ಯಾದಿ ಸ್ಕೀಮ್ ಹೊಂದಿವೆ. ಈ ರೀತಿಯಾಗಿ ನೀವು ಪಂಪ್-ನ ಅನುಭವವನ್ನು ಖರೀದಿಸುವ ಮೊದಲೇ ಅರಿತು ನಿಮಗೆ ಅದು ಸೂಕ್ತವೇ ಎಂದು ನಿರ್ಧರಿಸಬಹುದು.

ನಿಮಗೆ ಇನ್ನೂ ಹೆಚ್ಚಿನ ಆಸಕ್ತಿ ಅಥವಾ ಪ್ರಶ್ನೆಗಳಿದ್ದರೆ …

ನಮ್ಮನ್ನು ಸಂಪರ್ಕಿಸಿ.

ಒಂದು ಟಿಪ್ಪಣಿಯನ್ನು ಕಳುಹಿಸಿ (0)

ಬೊಜ್ಜು ಕರಗಿಸಲು ಪಥ್ಯ

ವಿವರಗಳು: ಕ್ಯಾಟಗರಿ: Pt-Edu-Pub-Kan; ಸೋಮವಾರ, 16 ಜೂನ್ 2014 02:42 ರಂದು ಪ್ರಕಟಿಸಲಾಗಿದೆ; Dr. Gururaja Rao ರಿಂದ ಬರೆಯಲ್ಪಟ್ಟಿದೆ

ಆರೋಗ್ಯಕರವಾಗಿ ತಿನ್ನುವುದು

ಆರೋಗ್ಯಕರವಾದ ಆಹಾರ ಸೇವನೆ ಸರಿಯಾದ ದೇಹ ತೂಕಕ್ಕೆ ಬುನಾದಿ. ಹೆಚ್ಚಿನ ಜನರಲ್ಲಿ ಕೇವಲ ಆರೋಗ್ಯಕರವಾದ ಆಹಾರ ಪದ್ಧತಿ ಮತ್ತು ವ್ಯಾಯಾಮ ಮಾಡುವುದರಿಂದ ಸರಿಯಾದ ದೇಹ ತೂಕ ಹೊಂದಲು ಸಾಧ್ಯವಾಗುತ್ತದೆ. ಇದರಿಂದ ದೇಹ ಬೇಕಾದ ಇಂಧನದ ಸೇವನೆ ಮತ್ತು ವ್ಯಯದಲ್ಲಿ ಸಮತೋಲನ ಸಾಧಿಸಲು ಸಾಧ್ಯ.

ನಿಮ್ಮ ದೇಹದ ತೂಕ ಕಡಿಮೆಗೊಳಿಸಲು ನೀವು ಕ್ಯಾಲರಿಗಳನ್ನು ಕಡಿತಗೊಳಿಸಿ ವ್ಯಾಯಾಮದ ಪ್ರಮಾಣ ಮತ್ತು ಅವಧಿಯನ್ನು ಹೆಚ್ಚಿಸಬೇಕು. ಕೇವಲ ಡಯೆಟ್ ಮಾಡುವುದರಿಂದ ಇದು ಸಾಹ್ಯವಾಗದೆ ಇರಬಹುದು. ನಿಮ್ಮಲ್ಲಿ ತೂಕದ ನಿಯಂತ್ರಣ ವ್ಯವಸ್ಥೆಯ ವಂಶವಾಹಿಗಳ ನ್ಯೂನ್ಯತೆ ಇದ್ದರೂ, ನೀವು ತೂಕ ಕಡಿಮೆ ಮಾಡುವ ಆಧುನಿಕ ಮದ್ದುಗಳನ್ನು ತಿನ್ನುತಿದ್ದರೂ, ಆಹಾರ-ವ್ಯಾಯಾಮ ಚಿಕಿತ್ಸೆಯ ಯಶಸ್ಸಿನ ಕೀಲಿಕೈ.

ಒಂದು ಟಿಪ್ಪಣಿಯನ್ನು ಕಳುಹಿಸಿ (1)

ವಿವರಗಳು: ಕ್ಯಾಟಗರಿ: Pt-Edu-Pub-Kan; ಭಾನುವಾರ, 26 ಜನವರಿ 2014 09:35 ರಂದು ಪ್ರಕಟಿಸಲಾಗಿದೆ; Dr. Gururaja Rao ರಿಂದ ಬರೆಯಲ್ಪಟ್ಟಿದೆ

ನಿಮ್ಮ ಕಣ್ಣುಗಳ ಬಗ್ಗೆ ಕಾಳಜಿ ವಹಿಸಿ

ಒಂದು ಟಿಪ್ಪಣಿಯನ್ನು ಕಳುಹಿಸಿ (0)

ವಿವರಗಳು: ಕ್ಯಾಟಗರಿ: Pt-Edu-Pub-Kan; ಭಾನುವಾರ, 02 ಫೆಬ್ರುವರಿ 2014 18:37 ರಂದು ಪ್ರಕಟಿಸಲಾಗಿದೆ; Dr. Gururaja Rao ರಿಂದ ಬರೆಯಲ್ಪಟ್ಟಿದೆ

ನಿಮ್ಮ ಕಾಲುಗಳ ಕಾಳಜಿ... ಪ್ರತಿನಿತ್ಯವೂ!!

ಮಧುಮೇಹಿಗಳಿಗೆ ಕಾಲುಗಳ ಆರೈಕಯ ೧೦ ಸೂತ್ರಗಳು

"(ಹಾನಿಯ) ತಡೆಗಟ್ಟುವಿಕೆಯು ಚಿಕಿತ್ಸೆ (ಸರಿಪಡಿಸುವಿಕೆ) ಗಿಂತ ಉತ್ತಮ" ಎಂಬುದು ಬಲ್ಲವರ ಅಂಬೋಣ. ಆದರೆ ಡಯಬೆಟಿಕ್ ಕಾಲಿನ ಬಗ್ಗೆ ಹೇಳುವಾಗ ತಡೆಗಟ್ಟುವಿಕೆಯೇ ಚಿಕಿತ್ಸೆ ಎಂದರೆ ಅತಿಶಯೋಕ್ತಿ ಆಗಲಾರದು.. ಇದನ್ನು ಹೇಗೆ ಮಾಡಬಹುದು ಎಂದು ನೋಡೋಣ.

ರಕ್ತದಲ್ಲಿ ಸಕ್ಕರೆ ಮಟ್ಟ ನಿಯಂತ್ರಿಸಿ

ನಿಮ್ಮ ಭೋಜನ ಪೂರ್ವ/ಅನಂತರದ ಸಕ್ಕರೆಯ ಗುರಿಯನ್ನು ವೈದ್ಯರಿಂದ ತಿಳಿಯಿರಿ.
ನಿಯಮಿತವಾಗಿ ಆಹಾರ ಕ್ರಮ, ವ್ಯಾಯಾಮ ಮಾಡಿ.
ಔಷಧಿಗಳನ್ನು ಸರಿಯಾದ ಸಮಯಕ್ಕೆ ತೆಗೆದುಕೊಳ್ಳಿ.

ನಿಮ್ಮ ದೀರ್ಘಕಾಲಿಕ ನಿಯಂತ್ರಣ ಸೂಚಿಸುತ್ತದೆ.
ಯಾವಾಗ ಪರೀಕ್ಷಿಸಬೇಕೆಂದು ನಿಮ್ಮ ವೈದ್ಯರ ಸಲಹೆ ಪಡೆಯಿರಿ.

ನಿಮ್ಮ (ರಕ್ತದಲ್ಲಿರುವ) ಸಕ್ಕರೆಯ ಮಟ್ಟವನ್ನು ನಿಯಂತ್ರಣದಲ್ಲಿಡಿ :

ನಿಮ್ಮ ಕಾಲುಗಳ ಕಾಳಜಿ ನಿಮ್ಮ ಮಧುಮೇಹದ ಕಾಳಜಿಯಿಂದ ಆರಂಭ. ನಿಮ್ಮ ವೈದ್ಯರಲ್ಲಿ ನಿಮ್ಮ .ರಕ್ತದ ಸಕ್ಕರೆಯ ಮಟ್ಟ ಎಷ್ಟಿರಬೇಕೆಂಬ ಗುರಿಗಳನ್ನು ಅರಿಯಿರಿ.

ಸರಿಯಾದ ಸಕ್ಕರೆಯ ನಿಯತ್ರಣ ಎಂದರೆ ಕಡಿಮೆ ನರ ತೊಂದರೆ ಹಾಗೂ ಕಡಿಮೆ ಕಾಲಿನ ತೊಂದರೆ.

ನಿಮ್ಮ ಕಾಲುಗಳನ್ನು ಪ್ರತಿನಿತ್ಯವೂ ಪರೀಕ್ಷಿಸಿ:

ನಿಮ್ಮ ಕಾಲುಗಳನ್ನು ಕನ್ನಡಿಯಿಂದ ಪರೀಕ್ಷಿಸಿಸುವುದು

ಕನ್ನಡಿ ಉಪಯೋಗಿಸಿ.
ಕಾಲಿನ ಅಡಿಯಲ್ಲಿ ಯಾವುದೇ ಹುಣ್ಣು, ಚರ್ಮ ಕೆಂಪಾಗುವಿಕೆ ಅಥವಾ ಸೋಂಕಿನ ಲಕ್ಷಣ ಗಮನಿಸಿ.
ಕಾಲಿನ ನರ ಹಾನಿಯಿಂದಾಗಿ ಇವುಗಳು ನೋವು ಉಂಟುಮಾಡದೇ ಇರಬಹುದು!

ಬೆರಳುಗಳನ್ನು ಬೇರ್ಪಡಿಸಿ ಮಧ್ಯೆ ಫಂಗಸ್ ಸೋಂಕು ಇದೆಯೇ ಎಂದು ನೋಡಿರಿ.

ಬಟ್ಟೆಯಿಂದ ಚೆನ್ನಾಗಿ ಒಣಗಿಸಿ.
ಬೆರಳುಗಳ ಮಧ್ಯೆ ಚೆನ್ನಾಗಿ ಒಣಗಿಸಿ.

ನಿಮ್ಮ ಕಾಲಿನ ಚರ್ಮ ಒಣಗಿದ್ದರೆ ಅಥವಾ ಒಡೆದಿದ್ದರೆ ಪೆಟ್ರೋಲಿಯಮ್ ಜೆಲ್ಲಿ / ವ್ಯಾಸ್ಲೀನ್ ಹಚ್ಚಿರಿ.
ಬೆರಳುಗಳ ಮಧ್ಯೆ ಹಚ್ಚಬೇಡಿ..
ತರಕಾರಿ ಎಣ್ಣೆ ಉಪಯೋಗಿಸಬೇಡಿ.

ಉಗುರುಗಳನ್ನು ನೇರವಾಗಿ ಕತ್ತರಿಸಿ.
ಎಮರಿ ಬೋರ್ಡ್ ಉಪಯೋಗಿಸಿ ಉಗುರನ್ನು ಮೊಂಡುಗೊಳಿಸಿ

ಬಿಸಿಯಾದ ನೆಲದ ಮೇಲೆ ನಡೆಯುವುದರಿಂದ ಕಾಲಲ್ಲಿ ಬೊಕ್ಕೆ ಬರಬಹುದು.
ನೋವಿನ ಅರಿವಿನ ಕೊರತೆಯಿಂದ ಇದು ತುಂಬಾ ತಡವಾಗಿ ನಿಮ್ಮ ಗಮನಕ್ಕೆ ಬರಬಹುದು.

ಕಾಲು ಕೆಂಪಡರುವಡು, ಉಗುರುಸುತ್ತು, ಮುಳ್ಳು ಚುಚ್ಚಿರುವುದು ಇದೇ ಮುಂತಾದ ಚಿಕ್ಕ ಪುಟ್ಟ ತೂಂದರೆಗಳು, ದೊಡ್ಡ ತೊಂದರೆಯಾಗಿ ಮಾರ್ಪಾಡುವ ಮೊದಲೇ ಕಂಡುಹಿಡಿಯಬಹುದು. ಮಧುಮೇಹದ ನರದ ತೊಂದರೆಯಿಂದಾಗಿ, ಕೆಲವೊಮ್ಮೆ ನಿಮಗೆ ಯಾವುದೇ ರೀತಿಯ ನೋವು ಉಂಟಾಗಲಿಕ್ಕಿಲ್ಲ.

ನಿಮ್ಮ ಕಾಲುಗಳನ್ನು ಬಿಸಿ ಮತ್ತು ತಂಪಿನಿಂದ ರಕ್ಷಿಸಿ:

ಸಮುದ್ರ ಅಥವಾ ನದಿ ತೀರದಲ್ಲಿ, ಬಿಸಿಯಾದ ಕಾಲು ನಡಿಗೆ ನಡೆಯುವಾಗ ಕಡ್ಡಾಯವಾಗಿ ಶೂ/ಅಥವಾ ಚಪ್ಪಲಿ ಧರಿಸಿ. ಚಪ್ಪಲಿ ಧರಿಸಲಾಗದ ಸ್ಥಳಗಳಲ್ಲಿ (ಉದಾ: ದೇವಸ್ಥಾನದ ಅಂಗಳ) ಅತಿ ಬಿಸಿಲಿರುವ ವೇಳೆ ನಡೆಯಬೇಡಿ. ನಿಮ್ಮ ಕಾಲುಗಳನ್ನು ಬಿಸಿಯಾದ ನೀರಿನಲ್ಲಿ ಹಾಕಬೇಡಿ. ಹಾಕುವ ಮೊದಲು ಮಗುವನ್ನು ಸ್ನಾನ ಮಾಡಿಸಲು ಬಳಸುವ ನೀರನ್ನು ಹೇಗೆ ಕೈ ಹಾಕಿ ಪರೀಕ್ಷಿಸುವಿರೋ, ಅದೇ ರೀತಿಯಾಗಿ ಎಷ್ಟು ಬಿಸಿಯಾಗಿದೆ ಎಂದು ಪರೀಕ್ಷಿಸಿ. ಬಿಸಿ ನೀರಿನ ಬಾಟಲಿ, ಹೀಟಿಂಗ್ ಪ್ಯಾಡ್, ವಿದ್ಯುತ್ ಕಂಬಳಿ ಇತ್ಯಾದಿಗಳನ್ನು ಬಳಸಬೇಡಿ. ಇವುಗಳು ನಿಮಗರಿವಿರದಂತೆ ನಿಮ್ಮ ಕಾಲುಗಳನ್ನು ಸುಡಬಹುದು. ಅದೇ ರೀತಿಯಾಗಿ ಬಸ್ಸಿನಲ್ಲಿ ಪ್ರಯಾಣಿಸುವಾಗ ಮುಂದಿನ ಸೀಟಿನಲ್ಲಿ ಆಸೀನರಾಗಿದ್ದಾರೆ, ಎಂಜಿನ್ ಅಥವಾ ರೇಡಿಯೇಟರ್ ಮೇಲೆ ಕಾಲು ಇಡಬೇಡಿ ಏಕೆಂದರೆ ಈ ಭಾಗಗಳು ಅತಿಯಾಗಿ ಬಿಸಿಯಾಗಿರಬಹುದು..

ನಿಮ್ಮ ಕಾಲುಗಳ ರಕ್ತ ಸಂಚಾರಕ್ಕೆ ಅನುವು ಮಾಡಿ:

ಕುಳಿತುಕೊಳ್ಳುವಾಗ ನಿಮ್ಮ ಪಾದಗಳನ್ನು ಮೇಲಕ್ಕೆ ಇಡಿ. ನಿಮ್ಮ ಕಲ್ಬೇರಳುಗಳು ಮತ್ತು ಕಣಕಾಲು ಗಂಟುಗಳನ್ನು ನಿಯಮಿತವಾಗಿ ಮೇಲೆ ಮತ್ತು ಕೆಳಗೆ ಚಲಿಸಿರಿ. ದೀರ್ಘ ಕಾಲದವರೆಗೆ ನಿಮ್ಮ ಕಾಲುಗಳನ್ನು ಅಡ್ಡ ಹಾಕಿ (ಕ್ರಾಸ್ ಮಾಡಿ) ಕುಳಿತುಕೊಳ್ಳಬೇಡಿ. ಪ್ರಯಾಣ ಮಾಡುವಾಗ ಚೆನ್ನಾಗಿ ನೀರು ಕುಡಿಯಿರಿ. ಧೂಮಪಾನ ಅಥವಾ ತಂಬಾಕನ್ನು ಇನ್ನಾವುದೇ ರೀತಿಯಲ್ಲಿ ಬಳಸಬೇಡಿ.

ಪ್ರತಿ ಘಂಟೆ ಅಥವಾ ಎರಡು ಘಂಟೆಗೆ ಒಮ್ಮೆ ನಿಮ್ಮ ಕಾಲುಗಳನ್ನು ಪಾದರಕ್ಷೆಗಳಿಂದ ಹೊರಗಿಡಿ. ಆಗ ನಿಮ್ಮ ಕಾಲುಗಳೂ ಉಸಿರಾಡಬಹುದು:

ಬಿಗಿಯಾದ ಶೂಗಳು ನಿಮ್ಮ ಕಾಲುಗಳ ರಕ್ತ ಮತ್ತು ಗಾಳಿಯ ಹರಿಯುವಿಕೆಗೆ ತೊಂದರೆ ಒಡ್ಡಿ ಹಿಸುಕಬಹುದು. ಸಂಗ್ರಹಗೊಂಡ ತೇವಾಂಶ ಫಂಗಸ್ ಸೋಂಕು ಮತ್ತು ಚರ್ಮ ಸುಲಿಯುವಿಕೆ ಉಂಟುಮಾಡಬಹುದು.

ವಿಶೇಷವಾದ ಮಧುಮೇಹಿಗಳ ಪಾದರಕ್ಷೆ ಬಗ್ಗೆ ನಿಮ್ಮ ವೈದ್ಯರಿಂದ ಅರಿಯಿರಿ:

ಹವಾಯಿ ಚಪ್ಪಲಿ ಬಳಸದಿರಿ

ಇವು ಕಾಲಿನ ಹಿಂಭಾಗಕ್ಕೆ ಆಸರೆ ನೀಡುವುದಿಲ್ಲ.
ನಡೆಯುವಾಗ ಸುಲಭದಲ್ಲಿ ಕಾಲಿನಿಂದ ಜಾರಿ ಹೋಗಬಹುದು.
ನರ ದೌರ್ಬಲ್ಯ ಉಳ್ಳವರಲ್ಲಿ ಕಾಲಿನ ವಿಕೃತಿ ಉಂಟುಮಾಡಬಹುದು.

ಇವು ನಡೆಯುವಾಗ ಕಾಲಿಗೆ ಸರಿಯಾದ ಆಧಾರ ನೀಡುತ್ತವೆ.
ಮೇದುವಾದ ಒಳ ಮೈ ಕಾಲಿಗೆ ಘಾಸಿಯಾಗುವುದನ್ನು ತಡೆಯುತ್ತದೆ.

ಸರಿಯಾದ ಮಧುಮೇಹಿಗಳ ಪಾದರಕ್ಷೆ ಬಳಸುವುದರಿಂದ ನಿಮ್ಮ ಕಾಲಿಗೆ ಪೆಟ್ಟಾಗುವುದನ್ನು ತಡೆಯಬಹುದು. ಈಗಾಗಲೇ ಇರುವ ಗಾಯ ಗುಣಮಾಡಲೂ ಇದು ಸಹಕಾರಿ. ನಿಮ್ಮ ಕಾಲಿನ ಬದಲಾಗಿ ಈ ಚಪ್ಪಲಿಗಳೂ ಸವೆಯುತ್ತವೆ ಹಾಗೂ ನಿಮ್ಮ ಅಮೂಲ್ಯ ಕಾಲುಗಳನ್ನು ರಕ್ಷಿಸುತ್ತವೆ.

ಒಂದು ಟಿಪ್ಪಣಿಯನ್ನು ಕಳುಹಿಸಿ (2)