ಮಧುಮೇಹ ನಿಮ್ಮ ರಕ್ತದ ಗ್ಲೂಕೋಸ್, ಅಥವಾ ಸಕ್ಕರೆ ಮಟ್ಟಗಳು ತುಂಬಾ ಅಧಿಕವಾಗಿರುವ ಒಂದು ಕಾಯಿಲೆ.

ಮಧುಮೇಹ 1 ನೆಯ ವಿಧ

• • ಸುಮಾರು 10% ಮಧುಮೇಹಿಗಳಲ್ಲಿ ಈ ವಿಧದ ಮಧುಮೇಹ ಕಂಡುಬರುವುದು.
  • ಸಾಮಾನ್ಯವಾಗಿ 30 ವರ್ಷಕ್ಕಿಂತ ಮೊದಲು ಕಂಡುಬರುತ್ತದೆ.
  • ಸಾಮಾನ್ಯವಾಗಿ ತೆಳ್ಳಗಿನ ಅಥವಾ ಸಹಜ ತೂಕದ ಜನರಲ್ಲಿ  ಕಂಡುಬರುತ್ತದೆ.

ಮಧುಮೇಹ 2 ನೆಯ ವಿಧ

• ಸುಮಾರು 90% ಮಧುಮೇಹಿಗಳಲ್ಲಿ ಈ ವಿಧದ ಮಧುಮೇಹ ಕಂಡುಬರುವುದು.
• ಸಾಮಾನ್ಯವಾಗಿ 40 ವರ್ಷದ ನಂತರ ಕಾಣಿಸಿಕೊಳ್ಳುತ್ತದೆ.
• ಸಾಮಾನ್ಯವಾಗಿ ಅತಿಯಾದ ತೂಕವುಳ್ಳ ಜನರಲ್ಲಿ ಕಂಡುಬರುತ್ತದೆ.

ಗರ್ಭದಾರಣೆಯ ಮಧುಮೇಹ

• ಭಾರತದಲ್ಲಿ 4% to 21% ಗರ್ಭಿಣಿಯರಲ್ಲಿ ಕಂಡುಬರುತ್ತದೆ
• ಪ್ರಸವದ ನಂತರ ಸಾಮಾನ್ಯವಾಗಿ ಸರಿ ಹೋಗುತ್ತದೆ.
• ನಂತರ ಜೀವನದಲ್ಲಿ ಶಾಶ್ವತ ಮಧುಮೇಹ 50% ಮಹಿಳೆಯರಲ್ಲಿ ಕಂಡುಬರಬಹುದು.

ಮಧುಮೇಹದ ಇತರ ಅಪರೂಪದ ವಿಧಗಳಿವೆ.

ಮೇದೋಜೀರಕ ಗ್ರಂಥಿ

ಹೊಟ್ಟೆ ಕೆಳಗೆ ಇರುವ ಮೇದೋಜೀರಕ ಗ್ರಂಥಿ ಇನ್ಸುಲಿನ್ ಎಂಬ ಹಾರ್ಮೋನ್ ಉತ್ಪಾದಿಸುತ್ತದೆ. ಈ ಹಾರ್ಮೋನು ಆಹಾರ ಸೇವನೆ ನಂತರ ಅಂಗಾಂಶಗಳಲ್ಲಿ ಸಕ್ಕರೆಯನ್ನು ಸಂಗ್ರಹಿಸಲು ನಿರ್ದೇಶಿಸುವ ಮೂಲಕ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ. ಶರೀರದಲ್ಲಿ ಇನ್ಸುಲಿನ್ ಕೊರತೆ ಅಥವಾ ದೇಹದಲ್ಲಿ ಇನ್ಸುಲಿನ್ ಪ್ರತಿರೋಧಕಕತೆ (ರೆಸಿಸ್ಟನ್ಸ್) ಅಧಿಕವಾದಲ್ಲಿ ಮಧುಮೇಹ ಉಂಟಾಗುತದೆ.

ಮಧುಮೇಹ (ಡಯಾಬಿಟಿಸ್) ಸಾಮಾನ್ಯವಾಗಿ: ದೈಹಿಕ ವ್ಯಾಯಾಮ ಇಲ್ಲದವರಲ್ಲಿ, ಅನಾರೋಗ್ಯಕರ ಆಹಾರ ಪದ್ಧತಿ ಅನುಸರಿಸುವರಲ್ಲಿ, ಅತಿಯಾದ ತೂಕ ಉಳ್ಳವರಲ್ಲಿ, ಗರ್ಭಿಣಿಯಾಗಿದ್ದಾಗ ಮಧುಮೇಹ ಕಂಡುಬಂದ ಮಹಿಳೆಯರಲ್ಲಿ, ಅಧಿಕ ರಕ್ತದೊತ್ತಡ (BP) ಹೊಂದಿರುವ ಸಂಬಂಧಿಕರಿರುವ ಜನರಲ್ಲಿ ಕಂಡುಬರುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಈ ವರ್ಗದ ಜನರು ನಿಯಮಿತವಾಗಿ ರಕ್ತ ಪರೀಕ್ಷೆ ಮಾಡಿಸುವುದು ಸೂಕ್ತ.

ಹೌದು, ಭಾರತದ ವಯಸ್ಕರಲ್ಲಿ 10 ಜನರಲ್ಲಿ ಒಬ್ಬರು ಮಧುಮೇಹದಿಂದ ಬಳಲುತ್ತಿರಬಹುದು, ಆದರೆ ರೋಗಿಗೆ ಆರಂಭಿಕ ಹಂತಗಳಲ್ಲಿ ಇದು ತಿಳಿದಿರುವುದಿಲ್ಲ.

ಬೆಳಿಗ್ಗೆ ಯಾವುದೇ ಆಹಾರವನ್ನು ಸೇವಿಸದೇ (ಉಪವಾಸ) ರಕ್ತದಲ್ಲಿನ ಸಕ್ಕರೆಯ ಪರೀಕ್ಷೆ ಎರಡು ಬಾರಿ ಮಾಡಿದಾಗ ಅದು 126mg/dl ಗಿಂತಲೂ ಅಧಿಕವಾಗಿದ್ದಲ್ಲಿ ನಿಮಗೆ ಮಧುಮೇಹ ಇದೆ ಎಂದು ವೈದ್ಯರು ಸೂಚಿಸುವರು. ಹಾಗೆಯೇ ನಿಮ್ಮ ಗ್ಲೈಕೊಸಿಲೇಟೆಡ್ ಹಿಮೊಗ್ಲೊಬಿನ್ (HbA1C) ಮೌಲ್ಯವು > 6.5% ಗಿಂತ ಹೆಚ್ಚಿದ್ದಲ್ಲಿ ಅದು ಮಧುಮೇಹದ ಸಂಕೇತವಾಗಿದೆ.

ಗ್ಲುಕೋಸ್ ಟಾಲರೆನ್ಸ್ ಪರೀಕ್ಷೆಃ 75 ಗ್ರಾಂ ಗ್ಲುಕೋಸ್ ತೆಗೆದುಕೊಂಡ ಎರಡು ಅವಧಿಗಳ ನಂತರ ರಕ್ತದಲ್ಲಿನ ಸಕ್ಕರೆಯ ಮಾಡಿದಾಗ ಅದು 200mg/dl ಗಿಂತಲೂ ಅಧಿಕವಾಗಿದ್ದಲ್ಲಿ ನಿಮಗೆ ಮಧುಮೇಹ ಇದೆ ಎಂದತರ್ಥ.

ಖಾಲಿ ಹೊಟ್ಟೆಯ ಪ್ಲಾಸ್ಮಾ ಸಕ್ಕರೆ (FPG)		ಗ್ಲುಕೋಸ್ ಟಾಲರೆನ್ಸ್ ಪರೀಕ್ಷೆ (OGTT)

ಸಕ್ಕರೆ ಅಥವಾ ಸಿಹಿ ತಿಂಡಿ (ತೂಕವನ್ನು ಹೆಚ್ಚಿಸುವುದಕ್ಕಿಂತ ಹೊರತುಪಡಿಸಿ) ಮಧುಮೇಹವನ್ನು ಉಂಟು ಮಾಡುವುದಿಲ್ಲ. ಮಧುಮೇಹ 1ನೇ ವಿಧ ಅನುವಂಶೀಯ ಮತ್ತು ಅಪರಿಚಿತ ಅಂಶಗಳಿಂದ ಉಂಟಾಗುತ್ತದೆಂದು ತಿಳಿಯಲಾಗಿದೆ. ಸಾಮಾನ್ಯವಾಗಿ ಕಂಡುಬರುವ 2ನೇ ವಿಧದ ಮಧುಮೇಹ ಅನುವಂಶೀಯವಾಗಿ ಮತ್ತು ಜೀವನಶೈಲಿಗಳಿಂದ ಉಂಟಾಗುತ್ತದೆ.

• ಸಾಮನ್ಯವಾಗಿ ಕಂಡುಬರುವ 2ನೇ ವಿಧ ಮಧುಮೇಹಕ್ಕೆ ಯಾವುದೇ ಶಾಷ್ವತವಾದ ಚಿಕಿತ್ಸೆ ಇಲ್ಲ. ಮಧುಮೇಹವನ್ನು ಶಾಷ್ವತವಾಗಿ ಗುಣಪಡಿಸುವ ನಿಟ್ಟಿನಲ್ಲಿ ಸಾಕಸ್ಟು ಸಂಶೋಧನೆ ಪ್ರಗತಿಯಲ್ಲಿದೆ.
• ಮಧುಮೇಹವನ್ನು ಸೂಕ್ತ ಆಹಾರ, ಆರೋಗ್ಯಕರವಾದ ತೂಕ ಕಾಯ್ದುಕೊಳ್ಳುವುದು ಹಾಗೂ ನಿಯಮಿತವಾದ ವ್ಯಾಯಾಮದಿಂದ ಬರದಂತೆ ತಡೆಗಟ್ಟಬಹುದು.
• ಅಂತೆಯೇ ಮಧುಮೇಹವುಳ್ಳವರು ಸೂಕ್ತ ಜೀವನ ಶೈಲಿ ಹಾಗೂ ಸರಿಯಾದ ಚಿಕಿತ್ಸೆಯಿಂದ ಯಾವುದೇ ತೊಡಕುಗಳಿಲ್ಲದ ಆರೋಗ್ಯವಂತ ಜೀವನವನ್ನು ನಡೆಸಬಹುದು.