ಥೈರಾಯ್ಡ್ ಗ್ರಂಥಿ

● ಹೈಪರ್ಥೈರಾಯ್ಡಿಸಮ್ - ಅತಿಚಟುವಟಿಕೆಯ ಥೈರಾಯ್ಡ್ ಗ್ರಂಥಿಯಿಂದ ಉಂಟಾಗುತ್ತದೆ. ಸುಮಾರು 1% ಮಹಿಳೆಯರು ಬಳಲುತ್ತಿದ್ದಾರೆ ಮತ್ತು ಕುಟುಂಬಗಳಲ್ಲಿ ಇದು ಕಂಡುಬರಬಹುದು.
● ಹೈಪೋಥೈರಾಯ್ಡಿಸಮ್ - ತುಂಬಾ ಕಡಿಮೆ ಥೈರಾಯ್ಡ್ ಹಾರ್ಮೋನಿನ ಉತ್ಪತ್ತಿಯಿದ - ಅನೇಕ ದೈಹಿಕ ಮತ್ತು ಮಾನಸಿಕ ಪ್ರಕ್ರಿಯೆಗಳು ನಿಷ್ಕ್ರಿಯವಾಗುತ್ತವೆ. ಹೆಚ್ಚುಕಮ್ಮಿ 5% ಜನರಲ್ಲಿ ಲಘುವಾದ ತೊಂದರೆ ಇರಬಹುದು.
● ಥೈರಾಯ್ಡ್ ಗಂಟುಗಳು ಹಾಗೂ ಇತರೆ - ಥೈರಾಯ್ಡ್ ಗ್ರಂಥಿಯಲ್ಲಿ ಊತ ಅಥವಾ ಗಡ್ಡೆ. ಹೆಚ್ಚುಕಮ್ಮಿ 5% ಜನರಲ್ಲಿ ಇರಬಹುದು. ಇದು ಹಾರ್ಮೋನುಗಳ ಅಧಿಕೋತ್ಪತ್ತಿ ಮಾಡಬಹುದು. ಅಪರೂಪಕ್ಕೆ ಒಂದು ಗಂಟು ಕ್ಯಾನ್ಸರ್ ಆಗಿರಬಹುದು.
● ಕ್ರೆಟಿನಿಸಮ್ - ಮಕ್ಕಳಲ್ಲಿ ಥೈರಾಯ್ಡ್ ವೈಫಲ್ಯದಿಂದಾಗುವ ಬುದ್ಧಿಮಾಂದ್ಯತೆ.
ಎಂಡೋಕ್ರಿನೊಲಾಜಿಸ್ಟ್ಗಳು ಥೈರಾಯ್ಡ್ ಗ್ರಂಥಿಯ ಹಲವಾರು ಪ್ರಮುಖ ಕಾಯಿಲೆಗಳ ಅಧ್ಯಯನ ಮತ್ತು ಚಿಕಿತ್ಸೆ ಮಾಡುವರು.

ಪ್ಯಾರಾಥೈರಾಯ್ಡ್ ಗ್ರಂಥಿಗಳು

ಪ್ಯಾರಾಥೈರಾಯ್ಡ್ ಗ್ರಂಥಿಗಳು ಮೂಳೆಗಳ ಸರಿಯಾದ ಬೆಳವಣಿಗೆ ಮತ್ತು ನಿರ್ವಹಣೆಗೆ ಅವಶ್ಯಕ.
● ಈ ಹಾರ್ಮೋನ್ ಹೆಚ್ಚುವರಿ ಉತ್ಪಾದನೆ (ಹೈಪರ್ಪ್ಯಾರಾಥೈರಾಯ್ಡಿಸಮ್) ಮೂಳೆ ನೋವು, ಮೂತ್ರಪಿಂಡದ ಕಲ್ಲುಗಳು, ಬಹುಮೂತ್ರ, ಸ್ನಾಯು ದೌರ್ಬಲ್ಯ, ಮತ್ತು ಆಯಾಸ ಉಂಟುಮಾಡುತ್ತದೆ.
● ಪ್ಯಾರಾಥೈರಾಯ್ಡ್-ನ ನಷ್ಟ ಉದಾ. ಥೈರಾಯ್ಡ್ ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಒಂದು ವೇಳೆ ತೆಗೆದುಹಾಕಿದರೆ, ರಕ್ತದ ಕ್ಯಾಲ್ಶಿಯಂ ಕಡಿಮೆಯಾಗುತ್ತದೆ. ಇದರಿಂದಾಗಿ ಸ್ನಾಯು ಸೆಳೆತ, ಕೈ ಮತ್ತು ಪಾದದ ಜುಮ್ಮೆನಿಸುವಿಕೆ, ಮತ್ತು ಸಂಭಾವ್ಯ ಉಸಿರಾಟದ ತೊಂದರೆ ಕೂಡಾ ಉಂಟಾಗಬಹುದು.

ಮೇದೋಜ್ಜೀರಕ ಗ್ರಂಥಿ

ಮೇದೋಜ್ಜೀರಕ ಗ್ರಂಥಿ ಇನ್ಸುಲಿನ್ ಹಾರ್ಮೋನ್ ಸ್ರವಿಸುತ್ತದೆ, ಇದು ರಕ್ತದಲ್ಲಿ ಗ್ಲುಕೋಸ್ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಮಧುಮೇಹ ಮೇದೋಜೀರಕ ಗ್ರಂಥಿಯ ಪ್ರಮುಖ ಅಸ್ವಸ್ಥತೆಯಾಗಿದೆ. ಮಧುಮೇಹದ ಎರಡು ಪ್ರಮುಖ ವಿಧಗಳಿವೆ:
● ಟೈಪ್ 1 ಮಧುಮೇಹ - ಪ್ರಮುಖವಾಗಿ ಮಕ್ಕಳಲ್ಲಿ ಕಂಡುಬರುತ್ತದೆ ಮತ್ತು ಕೇವಲ ಇನ್ಸುಲಿನ್-ನಿಂದ ಮಾತ್ರ ನಿಯಂತ್ರಿಸಬಹುದು.
● ಟೈಪ್ 2 ಮಧುಮೇಹ - ಹೆಚ್ಚು ಸಾಮಾನ್ಯವಾದ ವಿಧ ಮತ್ತು ಇದು ವಯಸ್ಕರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ

ಅಡ್ರಿನಲ್ ಗ್ರಂಥಿಗಳು

ಪ್ರತಿಯೊಂದು ಅಡ್ರಿನಲ್ ಗ್ರಂಥಿಯಲ್ಲಿ ವಾಸ್ತವವಾಗಿ ಎರಡು ನಿರ್ನಾಳ ಗ್ರಂಥಿಳಿವೆ - ಹೊರಭಾಗದ ಕಾರ್ಟೆಕ್ಸ್ ಹಾಗೂ ಒಳಭಾಗದ ಮೆಡ್ಯುಲಾ.
● ಕಷಿಂಗ್ಸ್ ಸಿಂಡ್ರೋಮ್ ಬಹಳಷ್ಟು ಕಾರ್ಟಿಸಾಲ್ ಹಾರ್ಮೋನ್ ಉತ್ಪತ್ತಿಯಿಂದ ಉಂಟಾಗುತ್ತದೆ.
● ಅಡಿಸನ್ ಕಾಯಿಲೆ - ಸಾಮಾನ್ಯಕ್ಕಿಂತ ತೀರಾ ಕಡಿಮೆ ಕಾರ್ಟಿಸಾಲ್ ಹಾರ್ಮೋನ್ ಉತ್ಪತ್ತಿಯಿಂದ ಉಂಟಾಗುತ್ತದೆ.
● ಫಿಯೋಕ್ರೋಮೋಸೈಟೋಮ - ಅಡ್ರಿನಲ್ ಮೆಡುಲಾದಲ್ಲಿ ಕಂಡುಬರುವ ಈ ಗೆಡ್ಡೆಗಳಿಂದ ತೀವ್ರ ರಕ್ತದೊತ್ತಡ ಹಾಗೂ ರಕ್ತದೊತ್ತಡದ ಏರಿಳಿತಕ್ಕೆ ಕಾರಣವಾಗಬಹುದು.

ಅಂಡಾಶಯಗಳು (ಮಹಿಳೆಯರಲ್ಲಿ)

ಅಂಡಾಶಯಗಳು ಸ್ತ್ರೀ ಹಾರ್ಮೋನ್ಗಳನ್ನು ಉತ್ಪತ್ತಿ ಮಾಡುತ್ತವೆ ಮತ್ತು ಋತುಚಕ್ರದ ನಿಯಂತ್ರಿಸುತ್ತವೆ. ಋತುಬಂಧದ ಸಮಯದಲ್ಲಿ ಸಾಮಾನ್ಯವಾಗಿ ಅಂಡಾಶಯದ ಕ್ರಿಯೆ ನಿಲ್ಲುತ್ತದೆ. ಈ ಈಸ್ಟ್ರೋಜೆನ್ ನ ನಷ್ಟ ಮೈ ಬಿಸಿಯಾಗುವಿಕೆ, ಚಿತ್ತ ಚಂಚಲತೆ ಹಾಗೂ ಮೂಳೆ ಕ್ಷೀಣಿಸುವಿಕೆ ಮತ್ತು ಆಸ್ಟಿಯೊಪೊರೋಸಿಸ್ ನಂತಹ ಲಕ್ಷಣಗಳನ್ನು ಉಂಟುಮಾಡಬಹುದು.
●ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್ (PCOS) ಮಹಿಳೆಯರಲ್ಲಿ ಗಂಡು ಹಾರ್ಮೋನ್ಗಳ ಅತಿ ಉತ್ಪಾದನೆಯಿಂದಾಗುವ ಸಾಮಾನ್ಯವಾದ ಒಂದು ಕಾಯಿಲೆ. ಇದು ಅನಿಯಮಿತ ಮುಟ್ಟಿನ ಆವರ್ತಗಳನ್ನು ಹಾಗೂ ಬಂಜೆತನ ಉಂಟಾಗಬಹುದು, ಅದೇ ರೀತಿಯಾಗಿ ಅತಿಯಾದ ಮೊಡವೆ, ಮುಖದ ಮೇಲೆ ಕೂದಲು ಬೆಳವಣಿಗೆ, ಮತ್ತು ಪುರುಷ ಮಾದರಿ ಬಕ್ಕತನ (ಕೂದಲು ಉದುರುವಿಕೆ) ಉಂಟುಮಾಡಬಹುದು.
● ಅಕಾಲಿಕ ಅಂಡಾಶಯ ವೈಫಲ್ಯ ಚಿಕ್ಕ ವಯಸ್ಸಿನಲ್ಲಿ ಋತುಬಂಧಕ್ಕೆ ಕಾರಣವಾಗುತ್ತದೆ ಮತ್ತು ಅದರ ಲಕ್ಷಣಗಳು ನಿವಾರಿಸಲು ಹಾರ್ಮೋನು ರಿಪ್ಲೇಸ್ಮೆಂಟ್ ಮಾಡಬೇಕಾಗುತ್ತದೆ.
● ಪ್ರಾಥಮಿಕ ಅಮೆನೋರಿಯಾ - ಅಂಡಾಶಯಗಳ ಅಭಿವೃದ್ಧಿ ಮತ್ತು ಕ್ರಿಯೆಯ ವೈಫಲ್ಯ, ಸ್ತನ ಬೆಳವಣಿಗೆ ಮತ್ತು ರಜೋದರ್ಶನ ಮೊದಲಾದ ಸ್ತ್ರೀ ಲೈಂಗಿಕ ಲಕ್ಷಣಗಳ ಅಭಿವೃದ್ಧಿಯ ವೈಫಲ್ಯಕ್ಕೆ ಕಾರಣವಾಗಬಹುದು.

ವೃಷಣಗಳು (ಪುರುಷರಲ್ಲಿ)

ಈ ಅವಳಿ ಪುರುಷ ಸಂತಾನೋತ್ಪತ್ತಿ ಗ್ರಂಥಿಗಳು ಟೆಸ್ಟೋಸ್ಟೆರಾನ್ ಹಾರ್ಮೋನು ಉತ್ಪತ್ತಿ ಮಾಡುತ್ತವೆ.
● ವೃಷಣ ಕ್ರಿಯೆಯ ವೈಫಲ್ಯ ಪಿಟ್ಯುಟರಿ ಹಾರ್ಮೋನ್ ಕೊರತೆ ಅಥವಾ ಅನೇಕ ಕಾರಣಗಳಿಂದ ಸ್ವತಃ ವೃಷಣದಲ್ಲಿ ನ್ಯೂನ್ಯತೆ / ಹಾನಿಯಿಂದಾಗಿ ಆಗಬಹುದು. ಇದರಿಂದಾಗಿ ಪುರುಷ ಚಹರೆಗಳ ನಷ್ಟ, ದುರ್ಬಲತೆ ಮತ್ತು ಬಂಜೆತನಕ್ಕೆ ಕಾರಣವಾಗುತ್ತದೆ.
● ಅದೃಷ್ಟವಶಾತ್ ಟೆಸ್ಟೋಸ್ಟೆರಾನ್ ಹೊರಗಿನಿಂದ ನೀಡಬಹುದು (ಉದಾಹರಣೆಗೆ ಚುಚ್ಚುಮದ್ದು, ಜೆಲ್ಗಳು). ಕೊರತೆಯನ್ನು ಸರಿಪಡಿಸಲು ಎಂಡೋಕ್ರೇನಾಲಜಿಸ್ಟ್ ಮೇಲ್ವಿಚಾರಣೆಯಡಿಯಲ್ಲಿ ಇದನ್ನು ಮಾಡುವುದು ಲೇಸು.

ಪಿಟ್ಯುಟರಿ ಗ್ರಂಥಿ

ನಿಮ್ಮ ಪಿಟ್ಯುಟರಿ ಗ್ರಂಥಿ ನಿಮ್ಮ ಮೆದುಳಿನ ಕೆಳಭಾಗದಲ್ಲಿ ಇರುವ ಒಂದು ಬಟಾಣಿ ಗಾತ್ರದ ಗ್ರಂಥಿ. ಇದು "ಪ್ರಧಾನ ನಿಯಂತ್ರಣ ಗ್ರಂಥಿ". ಪಿಟ್ಯುಟರಿ ರೋಗಗಲಿಂದ ಉಂಟಾಗುವ ಸಮಸ್ಯೆಗಳು:
● ವಿಪರೀತ ಸ್ರವಿಸುವಿಕೆ ಉದಾಹರಣೆಗೆ ಮಿತಿಮೀರಿದ-ಪ್ರೋಲ್ಯಾಕ್ಟಿನ್- ಗರ್ಭವತಿ ಅಲ್ಲದ ವ್ಯಕ್ತಿಗಳಲ್ಲಿ ಅಸಹಜ ಹಾಲು ಉತ್ಪಾದನೆಗೆ ಕಾರಣವಾಗುತ್ತದೆ.
● ತುಂಬಾ ಕಡಿಮೆ ಸ್ರವಿಸುವಿಕೆಗೆ ಇದ್ದಲ್ಲಿ ಆ ಹಾರ್ಮೋನ್ ಕೊರತೆಯ ಸ್ಥಿತಿ ಸರಿಪಡಿಸಲು ಒಂದು ಅರ್ಹ ಎಂಡೋಕ್ರೇನಾಲಜಿಸ್ಟ್ ಮೇಲ್ವಿಚಾರಣೆಯಡಿಯಲ್ಲಿ ಹೊರಗಿನಿಂದ (ಉದಾ. ಚುಚ್ಚುಮದ್ದು, ಜೆಲ್ಗಳು) ಹಾರ್ಮೋನ್ ನೀಡಬಹುದು.
● ಟ್ಯೂಮರ್ (ಗಡ್ಡೆ) ಯೊಂದು ಪಿಟ್ಯುಟರಿಯಲ್ಲಿ ಉಂಟಾದಲ್ಲಿ ಅದು ಹತ್ತಿರ ಇರುವ ಮೇದುಳಿಗೆ ಹಾಗೂ ನರಗಳಿಗೆ ಹಾನಿಯುಂಟುಮಾಡಬಹುದು. ತಲೆನೋವು, ವಾಂತಿ, ದೃಷ್ಟಿ ಸಮಸ್ಯೆ ಕಂಡುಬರಬಹುದು.

ಹೈಪೊಥಾಲ್ಮಸ್

ಹೈಪೊಥಾಲ್ಮಸ್ ಪಿಟ್ಯುಟರಿ ಗ್ರಂಥಿಯನ್ನು ನಿಯಂತ್ರಿಸುವ ಮೆದುಳಿನ ಒಂದು ಭಾಗವಾಗಿದೆ. ಈ ಭಾಗದಲ್ಲಿ ಮಕ್ಕಳಲ್ಲಿ ಕಂಡುಬರುವ ಸಾಮನ್ಯವಾದ ಟ್ಯೂಮರ್ ಕ್ರೇನಿಯೋಫ್ಯಾರಿಂಜಿಯೋಮಾ. ಹಾರ್ಮೋಗಳ ಕೊರತೆಯಿಂದ ಸಾಮಾನ್ಯವಾಗಿ ರೋಗಲಕ್ಷಣಗಳು ಕಂಡುಬರಬಹುದು.
● ಮಕ್ಕಳಲ್ಲಿ ಬೆಳವಣಿಗೆಯ ತೊಂದರೆ ಕುಬ್ಜತೆ ಉಂಟುಮಾಡಬಹುದು.
● ಇದರೊಂದಿಗೆ ಪ್ರೌಢದೆಶೆಯೂ ಅತಿ ಚಿಕ್ಕ ವಯಸ್ಸಿನಲ್ಲಿ ಅಥವಾ ತಡವಾಗಿ ಬರಬಹುದು.
● ಡಯಾಬಿಟಿಸ್ ಇನ್ಸಿಪಿಡಸ್ - ನಿಯಂತ್ರಣವಿಲ್ಲದ ಅತಿಮೂತ್ರ ಹಾಗೂ ಅತಿಯಾದ ಬಾಯಾರಿಕೆಗೆ ಕಾರಣವಾಗಬಹುದು.